لاہور (سپورٹس رپورٹر) جوبلی انشورنس 41 ویں قومی سنوکر چیمپئن شپ کی پری کوارٹر فائنل لائن اپ مکمل ہو گئی، نویں روز اسجد اقبال، محمد ماجد علی، شاہد آفتاب، بابرمسیح، عبدالجواد، محمدافضل، ابوصیام اور افتخار احمد نے لاسٹ 16 مرحلے کیلئے کوالیفائی کیا۔ اسجد اقبال نے فوادخان کو با آسانی 4-0 فریمز سے زیر کر کے پری کوارٹر فائنل میں جگہ بنائی، محمدافتخار نے نادرمیران کو سخت مقابلے کے بعد 4-3 فریمز سے زیر کر کے پری کوارٹر فائنل تک رسائی حاصل کی، محمدماجد علی نے عمران شہزاد کو کانٹے دار مقابلے کے بعد 4-3 فریمز سے زیر کر کے پری کوارٹر فائنل کیلئے کوالیفائی کیا، ایک اور میچ میں بابرمسیح نے عبدالستار کو 4-2 فریمز سے شکست دی اور پری کوارٹر فائنل میں جگہ بنائی۔