لاہور (خبر نگار) تاج پورہ کے علاقہ شوکت ٹائون‘ امام ٹائون‘ اصغر پارک‘ شان پارک کے مکینوں نے کمشنر‘ ڈی سی او لاہور اور ایم ڈی واسا سے اپیل کی ہے کہ ان کے علاقے میں سیوریج کی بندش کا مسئلہ حل کروایا جائے۔ ان مکینوں کا کہنا تھا کہ ان کے علاقے میں سیوریج کی بندش سے ہر گلی میں گندا‘ متعفن‘ بدبودار پانی کھڑا ہے اور بیماریاں پھیل رہی ہیں۔ ہر دوسرا مکین پیٹ اور ملیریا کا شکار ہوا ہے جبکہ ڈینگی کا شدید خطرہ ہے۔