محکمہ بہبودآبادی کی جدوجہد سے آبادی میں اضافہ پر تیزی سے قابو پایا جا رہا ہے: ذکیہ شاہنواز
لاہور(لیڈی رپورٹر)صوبائی وزیر بہبود آبادی و تحفظ ماحولیات بیگم ذکیہ شاہنواز نے کہا ہے کہ محکمہ بہبود آبادی کی مختصرعرصے میں شبانہ روز کاوشوںسے آبادی میںاضافے پر بڑی تیزی سے قابو پایاجا رہا ہے۔ ہمارا اولین مقصد ماں اور بچے کی صحت ہے۔ پارلیمنٹیرین بھی آبادی پر کنٹرول کے حوالے سے معاونت کریں۔ پنجاب میں ہمارے فیملی ہیلتھ کلینکس اور فیملی ہیلتھ سنٹرز لوگوں کو بچوں میں مناسب وقفے کے حوالے سے ضروری معلومات و رہنمائی اور سہولیات فراہم کر رہے ہیں۔
