لاہور (پ ر) علامہ اقبال ٹاؤن کے مقامی سکول کی سالانہ تقریبات کے سلسلے میں آج طالبات کے اعزاز میں فیئر ویل پارٹی شام 5 بجے مقامی ہال میں ہو گی۔ طالبات لڈی‘ ٹیبلو‘ ڈرامہ‘ قوالی اور خاکے پیش کرکے اپنے فن کا مظاہرہ کریں گی۔ سکول کے پرنسپل علی نجف کھوکھر اور ڈائریکٹر شہباز حسین کھوکھر نے کہا ہے کہ غیر نصابی سرگرمیاں بچوں کی ذہنی نشوونما کے لئے بہت ضروری ہیں۔ اس موقع پر طالبات میں سرٹیفکیٹ‘ شیلڈز اور انعامات تقسیم کئے جائیں گے۔