میانوالی کی چیک پوسٹ پر حملہ کا ماسٹر مائنڈ گرفتار دہشت گردی میں 8 اہلکار شہید ہوئے تھے
بھکر (نامہ نگار) میانوالی کی چیک پوسٹ قدرت آباد پر حملہ میں مطلوب دہشت گرد کو گرفتار کرلیا گیا۔ قدرت آباد چیک پوسٹ پر حملہ کے نتیجہ میں 8 پولیس اہلکار شہید ہوئے تھے آصف نامی مطلوب ماسٹر مائنڈ کلورکوٹ کے نواحی علاقہ مالو والا سے گرفتار کرلیا۔ سال 2015ء میں میانوالی کی چیک پوسٹ قدرت آباد پر آصف نامی شخص نے اپنے گروہ کے ہمراہ حملہ کردیا تھا جس کے نتیجہ میں 8 پولیس اہلکار شہید ہوگئے تھے۔ گزشتہ روز سی ٹی ڈی سرگودھا و دیگر اضلاع نے مشترکہ آپریشن کرتے ہوئے کلورکوٹ کے نواحی علاقہ مالو والا سے حملہ کے ماسٹر مائنڈ آصف کو گرفتار کرلیا۔
