مستونگ: کوچ اور موٹرسائیکل میں تصادم میاں بیوی بیٹے سمیت جاں بحق
کوئٹہ(اے این این ) بلوچستان کے علاقے مستونگ میں موٹر سائیکل اور کوچ کے درمیان تصادم سے ایک ہی خاندان کے3افراد جاں بحق ایک بچی زخمی ہو گئی۔گزشتہ روز مستونگ کے علاقے سنگر بائی پاس کے قریب موٹر سائیکل اور کوچ کے درمیان تصادم ہوا جس کے نتیجے میں میاں ‘بیوی اور بیٹا جاں بحق ہوگئے جبکہ ایک بچی زخمی ہو گئی ۔واقعہ کے بعد سکیورٹی ادارے اور امدادی ٹیموں کے اہلکار جائے وقوعہ پر پہنچ گئے اور امدادی کارروائیوں میں حصہ لیتے ہوئے جاں بحق ہونیوالے افراد کو قریبی ہسپتال میں منتقل کیا جبکہ زخمی بچی کو طبی امداد دی جارہی ہے۔
