قلعہ دیدار سنگھ (نامہ نگار) سسرالیوں نے صلح نہ کرنے پر داماد کو زہر دیدیا، اپنے گھر پہنچتے ہی دم توڑ گیا۔ تھانہ لدھیوالہ وڑائچ کے محلہ اسلام آباد کے 4 بچوں کے باپ 45 سالہ خالد انصاری کی بیوی طاہرہ اس سے لڑائی جھگڑا کرکے اپنے میکے گئی ہوئی تھی اسکے بھائی طاہر شہزاد اور آصف بہنوئی خالد پر صلح کرنے کیلئے دباﺅ ڈالتے رہے تاہم صلح کرنے سے انکار پر گزشتہ روز انہوں نے خالد کو اپنے گھر بلا کر کھانے میں زہریلی چیز دیدی اپنے گھر پہنچتے ہی وہ دم توڑ گیا جبکہ لدھیوالہ وڑائچ پولیس نے دو خواتین سمیت چار افراد کے خلاف مقتول خالد انصاری کے بھائی ساجد انصاری کی درخواست پر ڈاکٹر طاہر شہزاد، اسکے چھوٹے بھائی آصف، مقتول کی اہلیہ طاہرہ اور سالی شازیہ کیخلاف خالد کو ہاتھ پاﺅں باندھ کر زہر دیکر قتل کرنے کا مقدمہ درج کرلیا ہے۔
زہر دیکر مار ڈالا