ویمن ہاکی : پہلے روز 4 میچوں کا فیصلہ
لاہور(سپورٹس رپورٹر) انڈر 18 ویمن ہاکی چیمپئن شپ نصیر بندہ ہاکی سٹیڈیم اسلام آباد میں شروع ہو گئی۔ پہلے روز چار میچ کھیلے گئے جن میں پنجاب کلر، بلوچستان، پنجاب وائٹس اور پاکستان بورڈ کی ٹیموں نے کامیابی حاصل کی۔ افتتاحی میچ پنجاب کلر اور خیبر پی کے ٹیموں کے درمیان کھیلا گیا جس میں پنجاب کلر نے ایک کے مقابلے 10 گول سے کامیابی اپنے نام کی۔ پنجاب کی رمشا الیاس نے تین، صبا ریاض اور اقصیٰ جاوید نے دو دو جبکہ تابندہ، یسریٰ خاور اور کنزا اعظم نے ایک ایک گول سکور کیا۔
