راولپنڈی: پتنگ بازوں کیخلاف پولیس کا آپریشن، بچہ چھت سے گر کر جاں بحق
راولپنڈی (نوائے وقت رپورٹ) راولپنڈی میں پولیس کی پتنگ بازوں کے خلاف مہم کے دوران ایک بچہ چھت سے گر کر جاں بحق ہو گیا۔ نجی ٹی وی کے مطابق واقعہ ڈھوک سیداں کے محلہ قائد آباد میں پیش آیا جس کے خلاف مشتعل افراد نے احتجاج کیا۔ انہوں نے ایک ایمبولینس کو توڑ پھوڑ کرکے نقصان پہنچایا اور پولیس کے خلاف نعرے لگائے۔ مظاہرین نے تھانہ ریس کورس کے باہر احتجاج کیا۔ سی پی او بھی موقع پر پہنچ گئے اور مذاکرات کرنے کی کوشش کی مشتعل مظاہرین نے تھانے پر پتھراﺅ کیا پولیس نے مظاہرین کو منتشر کرنے کیلئے آنسو گیس کی شیلنگ کی۔
راولپنڈی / پتنگ باز
