لاہور(سپورٹس رپورٹر)5 ویں جونیئر نیشنل ہاکی چیمپئن شپ میں مزید چار میچوں کا فیصلہ‘ سندھ، پنجاب وائٹ، ریلویز اور خیبر پی کے وائٹ نے حریف ٹیموں کو شکست دی۔ نیشنل ہاکی پہلا میچ سندھ اور اسلام آبادکے درمیان کھیلا گیا ‘سندھ نے تین صفر سے کامیابی اپنے نام کی۔پنجاب وائٹ نے پاکستان بورڈکے خلاف ایک کے مقابلے تین گول سے برتری حاصل کی۔ پاکستان ریلویز ٹیم نے بلوچستان کو پانچ ایک سے زیر کیا۔ دن کے چوتھے اور آخری میچ میں خیبر پی کے وائٹ ٹیم نے پاکستان آرڈینس فیکرٹری کے خلاف دو ایک سے کامیابی سمیٹی۔ چیمپیئن شپ میں آج مزید چار میچ کھیلے جائیں گے۔ پہلا میچ واپڈا اور خیبر پی کے کلر ٹیموں کے درمیان ہوگا۔ دوسرے میچ میں سوئی سدرن گیس کمپنی اور آرمی کی ٹیمیں مد مقابل ہونگی۔ تسریے میچ میں پنجاب کلر کا مقابلہ کسٹمز سے جبکہ چوتھے میچ میں نیشنل بنک اور پولیس کی ٹیمیں مد مقابل ہونگی۔