لیہ: تباہی کا منصوبہ ناکام، سکول کے باہر سے 4 دیسی بم، 5 خودکش جیکٹس برآمد
لیہ (نوائے وقت رپورٹ) لیہ کے علاقے کوٹ سلطان میں بڑی تباہی پھیلانے کا منصوبہ ناکام بنا دیا گیا۔ پولیس نے ایک سکول کے باہر رکھے گئے مشکوک تھیلے سے 4 دیسی ساختہ بم، 5 خودکش جیکٹس اور برقع برآمد کر کے بم ڈسپوزل سکواڈ کو طلب کر لیا جس نے دیسی بموں اور جیکٹس کو ناکارہ بنا دیا۔ پولیس نے تخریب کاروں کا سراغ لگانے کیلئے علاقے میں سرچ آپریشن شروع کر دیا۔ بم اور خودکش جیکٹس ملنے پر کوٹ سلطان میں خوف و ہراس پھیل گیا۔
