جنوبی افریقن سپنر ارون فنگیسو کا بائولنگ ایکشن درست نکلا ‘ٹی ٹونٹی ورلڈ کپ کھیل سکیں گے
کیپ ٹاؤن(سپورٹس ڈیسک )جنوبی افریقہ کے سپنر ارون فنگیسو کے باؤلنگ ایکشن کو درست قرار دیا گیا جس کے بعد وہ ورلڈ ٹی ٹوئنی میں شرکت کے لیے ٹیم کیساتھ بھارت جائیں گے۔کرکٹ ساؤتھ افریقہ نے اعلان کیا کہ فنگیسو کا باؤلنگ ایکشن ہرطرح کی گیندوں کے لیے بین الاقوامی معیار پر پورا اترتا ہے۔ارون فنگیسو کے باؤلنگ ایکشن کو گزشتہ ماہ 24 فروری کو جنوبی افریقہ کے ڈومیسٹک ون ڈے ٹورنامنٹ کے دوران مشکوک قرار دیا گیا تھا ۔ ابتدائی ٹیسٹ میں وہ اپنے ایکشن کو صحیح ثابت نہیں کر پائے تھے تاہم ٹیم کے کوچ کے ساتھ درستی پر کام کرنے کے بعد دوسری دفعہ ٹیسٹ ہوا جس میں انھیں کامیابی ملی۔
