لاہور (خصوصی رپورٹر) تحریک انصاف کے مرکزی رہنما عبدالعلیم خان نے کہا کہ 11اکتوبر کے ضمنی الیکشن میں نواز لیگ نے جو کچھ کیا وہ ریکارڈ کا حصہ بن چکا۔ ایاز صادق کورٹ جانے کا شوق بھی پورا کر لیں۔ انہوں نے مزید کہا کہ ایاز صادق لوگوں کوپولیس کے ذریعے ڈرا دھمکا کر بیان حلفی تبدیل کرنے کیلئے دباؤ ڈال رہے ہیں۔ انہوں نے کہا کہ بہتر ہو گا کہ ایاز صادق دوسروں پر الزام تراشی کی بجائے پہلے اپنے گریبان میں جھانکیں اور بے بنیاد الزامات کی بجائے اصل حقائق پر بات کریں۔