ساہیوال + رنگپور+کراچی (نامہ نگاران+ کرائم رپورٹر) ساہیوال، رنگپور اور کراچی میں 2 خواتین سمیت 4 افراد نے خود کشی کرلی۔ ساہیوال میں رسول پور کالونی کے نوجوان وسیم نے نامعلوم وجوہات پر زہریلی گولیاں کھا لیں۔ رنگپور کے نواحی موضع چن شریف کی 40 سالہ کلثوم نے گھریلو ناچاقی پر گلے میں پھندا ڈال کر خودکشی کرلی۔ علاوہ ازیں الکرم سکوائر لیاقت آباد کے فلیٹ میں رہنے والی 25 سالہ کلثوم اسلم نے گھریلو جھگڑے کے بعد پھندا لے لیا جبکہ لیاقت آباد نمبر 6 میں 30 سالہ بابر ولد شمشیر نے گھریلو پریشانیوں سے تنگ آ کر نشہ آور دوا پی لی۔