بہاولپور ملتان ننکانہ صاحب (نوائے وقت رپورٹ+ نامہ نگار) سمہ سٹہ کے علاقے میں بہاولپور بائی پاس کے قریب سی ٹی ڈی کی کارروائی میں 5 دہشت گرد ہلاک ہو گئے جبکہ ننکانہ صاحب میں مارے جانے والے 5 دہشت گردوں کی شناخت نہ ہو سکی۔ تفصیلات کے مطابق ملتان میں دہشتگردوں سے کلاشنکوف، دستی بم، بارودی مواد برآمد کر لیا گیا ہلاک دہشتگردوں کا تعلق کالعدم تنظیم سے ہے دہشت گرد سکیورٹی اداروں پر حملے کی منصوبہ بندی کر رہے تھے ہلاک دہشت گردوں کی نعشیں بہاولپور وکٹوریہ ہسپتال منتقل کر دی گئی ہیں۔ علاوہ ازیں دو روز قبل تھانہ صدر شاہکوٹ کے علاقہ میں سی ٹی ڈی اور دہشت گردوں کے درمیان مبینہ مقابلے میں ہلاک ہونے والے پانچ دہشت گردوں کی نعشوں کا پوسٹمارٹم ڈسٹرکٹ ہسپتال ننکانہ صاحب میں کردیا گیا تاہم نعشوں کی ابھی تک شناخت نہ ہوسکی ہے۔ ہلاک ہونے والے دہشت گردوں کے لواحقین نے ابھی تک سی ٹی ڈی پولیس سے رابطہ نہیں کیا۔
5 دہشت گرد ہلاک