ملتان+ جلالپور (نمائندہ نوائے وقت+ نامہ نگار) سابق وزیراعظم یوسف رضا گیلانی نے کہا ہے کہ عمران خان وفاداریاں تبدیل کرنے کی باتیں کرتے ہیں وہ بتائیں کہ ان کے دائیں بائیں کون لوگ بیٹھے ہوئے ہیں۔ ایک روز قبل عمران خان کہہ کر گئے تھے قاسم نون مسلم لیگ (ن) کا اپنا امیدوار نہیں توانکا بھی تو اپنا امیدوار نہیں ہے انہیں پتہ نہیں انکے دائیں بائیں کون بیٹھے ہیں۔پیپلز پارٹی واحد عوامی جماعت ہے جس نے وفادار کارکن کو پارٹی ٹکٹ دی وفادریاں تبدیل کرنے والے کبھی بھی تبدیلی نہیں لا سکتے بطور وزیراعظم جلالپور پیروالہ کی ترقی کے لئے عملی طور پر اقدامات کئے حلقہ کی عوام نے پارٹی امیدوار کو سپورٹ کیا تو پہلے سے زیادہ اس حلقہ کی ترقی کے لئے اپنا کردار ادا کریں گے عوام یہ سیٹ جیت کر دیں بلاول بھٹو زرداری جلالپور پیروالہ آکر آپ کا شکریہ ادا کریں گے۔