لاہور (نیوز رپورٹر) ینگ ڈاکٹرز ایسوسی ایشن میوہسپتال کی کوششوں سے تمام ہائوس آفیسر ڈاکٹر اور پوسٹ گریجوایٹ ٹرینی ڈاکٹرز کی تنخواہیں یکم اپریل سے ان کے بنک اکائونٹ میں منتقل ہو جائیں گی۔ اس حوالے سے میوہسپتال وائی ڈی اے کے میڈیا سیکرٹری ڈاکٹر ظفر اللہ خان نے بتایا ہے کہ اس سے قبل میڈیکل آفیسرز کی تنخواہیں ان کے بنک اکائونٹس میں اکائونٹینٹ جنرل کے آفس سے آتی تھیں۔ پہلے کے سسٹم میں ڈاکٹر کو کلریکل سٹاف کے دفاتر کے چکر کاٹنا پڑتے تھے۔