کراچی: رقم کیلئے 70 سالہ دادی کو قتل، دادا کو زخمی کر دیا
کراچی (نوائے وقت رپورٹ) کراچی میں سفاک پوتے نے دادی کو قتل اور دادا کو زخمی کر دیا۔ پولیس کے مطابق ملزم کو بیرون ملک جانے کیلئے رقم کی ضروت تھی جس کیلئے ماموں کے ساتھ ملکر منصوبہ بنایا۔ ڈکیتی کے دوران اپنی دادی کو قتل کرنے والے پوتے کو ساتھی سمیت گرفتار کر لیا گیا۔ 23 فروری کو کینٹ میں ایک گھر سے 70 سالہ خاتون کی لاش ملی جبکہ خاتون کے شدید زخمی شوہر کو ہسپتال منتقل کر دیا گیا۔ پولیس نے مقدمہ درج کر کے تفتیش شروع کی جس کے بعد مقتولہ سیلینا کے پوتے ملزم نعیم پرویز اور اس کے ساتھی ایڈرک خرم نے اعتراف جرم کر لیا اور بتایا کہ باہر جانے کیلئے پیسے درکار تھے، ماموں زاہد پرویز نے منصوبہ تیار کیا۔ ملزم کے تیسرے ساتھی کی گرفتاری کیلئے چھاپے مارے جا رہے ہیں۔
