سکھر (نامہ نگار) پیپلز پارٹی کے رہنما منظور وسان نے کہا ہے کہ مشرف کا باہر جانا ان لوگوں کے لئے سرپرائز ہے جو کہتے تھے ہم اصولوں پر سودے بازی نہیں کریں گے،2018 ء سے پہلے مشرف واپس نہیں آئیں گے۔ یہ بات انہوں نے سکھر میں میڈیا سے بات چیت میں کہی۔ منظور وسان کا کہنا تھا کہ آج کل عدلیہ بہت مضبوط ہے، آئی جی سندھ کو سپریم کورٹ کی وجہ سے تبدیل کیا گیا، پیپلز پارٹی کے لوگوں پر کیسز بنائے جا رہے ہیں، پیپلز پارٹی اس سے بھی بدترین حالات سے نکل کر کامیاب ہوتی آئی ہے، مصطفی کمال ایم کیو ایم میں کمال دکھائیں گے، پیپلز پارٹی میں نہیں۔