لاہور( این این آئی + نامہ نگاران)پنجاب کے بلدیاتی انتخابات میں باقی رہ جانے والی 76نشستوں پر پولنگ کا عمل مکمل ہو گیا ۔پنجاب کی مختلف یونین کونسلوں کی 76نشستوں پر بلدیاتی انتخابات کیلئے پولنگ کا عمل صبح آٹھ بجے شروع ہوا جو جو شام پانچ بجے تک جاری رہا۔لاہور میں پانچ یونین کونسلوں کے مختلف وارڈز میں جنرل کونسلر کی نشستوں پر ووٹنگ ہوئی ۔اس موقع پر سکیورٹی کے انتہائی سخت انتظامات کئے گئے تھے اورپولنگ اسٹیشنوں کے اندر اور باہر پولیس کی بھاری نفری تعینات رہی ۔ غیر حتمی اور غیر سرکاری نتائج کے مطابق لاہور کی یونین کونسل 270کے وارڈ نمبر 5میں آزاد امیدوار چوہدری شوکت علی نے مسلم لیگ (ن) کے عمران ساجد کو شکست دی۔ اسی یونین کونسل کی وارڈ نمبر 6میں مسلم لیگ (ن) کے ابراہیم خان 496ووٹ لے کرکامیاب ہوئے۔پنڈی بھٹیاں سے نامہ نگاران کے مطابق یونین کونسل نمبر 39 مصطفی آباد کے حلقہ میں کونسلر کی نشست کیلئے ضمنی انتخاب ہوا۔ اکبر علی 366 ووٹ حاصل کرکے کامیاب ہوئے جبکہ عبدالرشید جن کو مسلم لیگ (ن) کی حمایت حاصل تھی، نے 428 ووٹ حاصل کئے۔