شمالی کوریا کی جانب سے مزید پانچ میزائل تجربات،سمندرمیں داغے گئے
پیانگ یانگ(این این آئی)شمالی کوریا کی جانب سے کم فاصلے تک مار کرنیوالے پانچ میزائل سمندر میں داغے گئے۔ اس سے کچھ روز قبل پیانگ یانگ نے درمیانے فاصلے تک مار کی صلاحیت کے حامل دو میزائلوں کے تجربات کیے تھے۔ اس اقدام کو اقوام متحدہ کی سلامتی کونسل نے قراردادوں کی خلاف ورزی قرار دیتے ہوئے ناقابل قبول کہا تھا۔ واضح رہے شمالی کوریا ایک راکٹ بھی فائر کرچکا ہے جسے ماہرین طویل فاصلے تک مار کرنیوالے میزائل کا تجربہ قرار دیتے ہیں۔
