لاہور (نمائندہ سپورٹس+ سپورٹس رپورٹر+ نوائے وقت رپورٹ) ہیڈکوچ وقار یونس نے نیوزی لینڈ سے شکست کے بعدپریس کانفرنس میں کہا ہے کہ اچھے آغاز کے بعد ہارنا افسوسناک ہے۔ انہوں نے عمر اکمل کا نام لئے بغیر کہا کہ اوپر والے نمبر پر کھیلنے کا شور اور شکایتیں کرنے والے آج پرفارم نہ کر سکے، ان بلے بازوں کو آج پرفارم کرنے کا پورا موقع ملا۔ ٹی 20 ایڈجسٹیبل کرکٹ ہے اس میں نمبر فکس نہیں کیا جا سکتا۔ کھلاڑیوں کی بری کارکردگی پر برہمی کا اظہار کرتے انہوں نے کہا کہ بس بہت ہو گیا، صحافی کے سوال کہ کیا ہم اب بھی سیمی فائنل میں پہنچ سکتے ہیں؟ وقار یونس نے کہا کہ آپ کہتے ہیں تو امید رکھ لیتے ہیں، امید پر دنیا قائم ہے مگر چانسز بہت کم ہیں۔