چترال (این این آئی) چترال میں برفانی تودے تلے دبے ہوئے 6طلبا کی تلاش کا کام تیز کر دیا گیا ہے جبکہ سوات کے علاقہ مانکیال میں برفانی تودہ گرنے سے بحرین کالام سڑک 5 روز بعد بھی نہیں کھولی جاسکی۔ چترال کے گائوں سوسم میں ہفتہ کی شام سے برفانی تودے میں دبے 6 طالب علموں کی تلاش کیلئے چترال سکائوٹس اور پولیس کا ریسکیو آپریشن تیزکردیا گیا سوات میں 5 روز قبل مانکیال کے مقام پر برفانی تودہ گرنے سے بحرین اور کالام کے درمیان سڑک پانچویں روز بھی بند رہی جس کی وجہ سے علاقے میں مقامی لوگ اور سیاح پھنس گئے جنہیں خوراک کی کمی کا بھی سامنا رہا۔