فیصل آباد (نمائندہ خصوصی) آل پاکستان انٹر یو نیورسٹی ویمن ہاکی چیمپئن شپ کے فائنل میں جامعہ پنجاب لاہور ونر رہی جبکہ گورنمنٹ کا لج یونیورسٹی فیصل آباد رنر اپ رہی۔ پروفیسرڈاکٹر محمد علی وائس چانسلر جی سی یونیورسٹی نے جیتنے والی ٹیموں میں انعامات تقسیم کئے۔نیشنل ہاکی سٹیڈیم فیصل آباد میں ونر اور رنر اپ، دوسری اور تیسری پوزیشن کے لئے میچ کھیلے گئے پہلا میچ ایمپریل یونیورسٹی لاہور اور یونیورسی آف سرگودھا کے مابین کھیلا گیا جو کہ ایمپریل یونیورسٹی نے صفر کے مقابلہ میں ایک گول سے جیت لیا۔ دوسرا میچ جامعہ پنجاب لاہور اور جی سی یونیورسٹی فیصل آباد کے مابین کھیلا گیا جامعہ پنجاب نے صفر تین سے مقابلہ جیت کر چیمپئن شپ جیت لی جی سی یونیورسٹی فیصل آباد نے اس چیمپئن شپ میں دوسری پوزیشن حاصل کی۔ تیسری پوزیشن ایمپریل یونیورسٹی لاہور جبکہ چوتھی پوزیشن یونیورسٹی آف سرگودھا نے حاصل کی۔