سیالکوٹ (نامہ نگار) خراب موسم کے باعث نجی ائیرلائن کی دبئی سے آنیوالی فلائٹ سیالکوٹ انٹرنیشنل ائیرپورٹ کی بجائے لاہور ائرپورٹ پر اتر گئی جس پر دبئی جانے والے مسافروں نے سیالکوٹ انٹرنیشنل ائرپورٹ پر احتجاج کیا۔ تفصیل کے مطابق دبئی سے آنے والی نجی ائیرلائن کی دبئی کی فلائٹ FZ338 نے صبح ٰ4 بجکر 25 منٹ پر سیالکوٹ انٹرنیشنل ائرپورٹ آنا تھا جو کہ بارش کے باعث لاہور ائرپورٹ لینڈ کرگئی جس پر تحریک انصاف کے حامی مسافر گو نواز گو کے نعرے لگاتے رہے۔ احتجاج کی وجہ سے 175 مسافروں کو ائرپورٹ سے باہر نکال دیا گیا۔ ائرپورٹ حکام کے مطابق فلائٹ نہ پہنچے کی وجہ موسم کی خرابی تھا اور مسافروں کا احتجاج بلاجواز ہے۔