سانگلہ ہل: بے قابو بھینس ٹینٹ میں بیٹھے باراتیوں پر حملہ آور ہو گئی‘ باراتی خوف سے بھاگ نکلے‘ ایک خاتون زخمی
سانگلہ ہل (نمائندہ نوائے وقت) بے قابو بھینس ٹینٹ میں بیٹھے باراتیوں پر حملہ آور ہو گئی‘ ایک خاتون زخمی ہو گئی۔ دیگر باراتی خوفزدہ ہوکر بھاگ نکلے‘ زخمی باراتی خاتون کو ریسکیو 1122کی ٹیم نے ہسپتال منتقل کر دیا۔ بتایا گیا ہے چک نمبر 40 ہمراجپورہ کے رہائشی محمد شفیق کی بیٹی کی بارات حویلی میں ٹینٹ لگاکر ٹھہرائی گئی تھی‘ جب بارات نے کھانا کھا لیا اور رخصتی کا وقت آ گیا تو گلی میں بندھی ایک بھینس مشتعل ہو گئی اور اپنا سنگل توڑ کر حویلی میں لگے ٹینٹ میں گھس گئی‘ بھینس نے سامان اُلٹ پلٹ کر دیا اور ایک باراتی خاتون پر حملہ کرکے اسے زخمی کر دیا‘ باراتیوں میں بھگدڑ مچ گئی۔
