چترال ( اے این این ) چترال میں 19مارچ کو برفانی تودے تلے دبے مزید 2طلبہ کی لاشیں نکال لی گئیں ٗ 9میں سے 4لاشیں نکالی جاچکی ٗ دیگر 5کی تلاش کا کام جاری ۔ریسکیو ذرائع کے مطابق چترال کے مختلف دیہات کے 8 طلبااور ایک شخص 19 مارچ کو کو سوسم گائوں میں قائم سکول سے اپنے گھروں کو واپس جارہے تھے کہ برفباری کے باعث راستہ بند ہوگیا۔ اس دوران ایک برفانی تودہ ان پر آگرا جس سے تمام افراد دب گئے تھے۔چترال اسکائوٹس،پولیس اہلکاروں اور مقامی لوگوں نے ریسکیو آپریشن کرکے ایک شخص اور 3طلبہ کی لاشوں کو نکال لیا ، جبکہ باقی طلبہ کے لئے ریسکیو آپریشن جاری ہے۔ریسکیو اہلکاروں کا کہنا ہے کہ تودہ کئی کلومیٹر علاقے پر پھیلا ہوا ہے۔ بیلچوں کی مدد سے برف ہٹا رہے ہیں جس سے مشکلات کا سامنا ہے ۔