لاہور (آن لائن) جناح ہسپتال کے دورے کے موقع پر وزیراعظم محمد نواز شریف کی گاڑی خراب ہوگئی۔ تفصیلات کے مطابق پیر کے روز وزیراعظم نوا زشریف نے جناح ہسپتال لاہور کا دورہ کیا جس کی مناسبت سے ہسپتال کے اطراف میں سکیورٹی کے سخت انتطامات کیے گئے تھے۔ اعلیٰ معیار کے جیمر کی وجہ سے وزیراعظم محمد نواز شریف کی گاڑی کا مین کمپیوٹر خراب ہو گیا اور گاڑی نے چلنے سے انکار کر دیا جس پر وزیراعظم متبادل گاڑی میں اعلیٰ سطح کے اجلاس میں شرکت کے لئے پہنچے۔ وزیراعظم کی گاڑی کو کمپنی میں لے جانے کیلئے ٹرک منگوایا گیا تاہم اس ٹرک کا ٹائر بھی پنکچر ہو گیا جس کی وجہ سے کئی گھنٹوں تک وزیراعظم کی گاڑی جناح ہسپتال میں ہی موجود رہی۔