لاہور(سپورٹس رپورٹر+ نمائندہ سپورٹس)ریلوے انٹر ڈویژنل اتھلیٹک چیمپئن شپ دفاعی چیمپئن ملتان ڈویژن نے 277 پوائنٹس حاصل کر کے جیت لی، لاہور ڈویژن نے 238 پوائنٹس کے تحت دوسری جبکہ ورکشاپس ڈویژن نے 84 پوائنٹس حاصل کر کے تیسری پوزیشن حاصل کی۔ لاہور ڈویژن کے محمد ساجد نے تیز ترین اتھلیٹ کا اعزاز حاصل کیا۔ ریلوے ہاکی پلیئر محمد شہریار سال 2015-16 کے بہترین سپورٹس مین جبکہ مس صائمہ شہزاد (ویٹ لفٹنگ ، پاور لفٹنگ )2015-16 کی بہترین سپورٹس وومن کا اعزاز حاصل کرنے میں کامیاب ہوئیں۔ ورکشاپ ڈویژن نے مجموعی طور پر 1573 پوائنٹس حاصل کر کے والٹن ٹرافی حاصل کی۔ لاہور ڈویژن نے 1248 پوائنٹس کے ساتھ دوسری جبکہ کراچی ڈویژن نے 878 پوائنٹس حاصل کر کے تیسری پوزیشن حاصل کی۔