میامی(سپورٹس ڈیسک) سربیا کے نامور ٹینس سٹار اور عالمی نمبر ایک نوویک جوکووچ نے فتوحات کا سلسلہ برقرار رکھتے ہوئے میامی اوپن ٹینس ٹورنامنٹ کے کوارٹر فائنل کیلئے کوالیفائی کرلیا جبکہ ہسپانوی ٹینس سٹار ڈیوڈ فیرر تیسرے رائونڈ میں اپ سیٹ شکست کے بعد ایونٹ سے باہر ہوگئے۔ سربیا کے نامور ٹینس سٹار اور عالمی نمبر ایک نوویک جوکووچ نے پرتگال کے جاسوسا کو سٹریٹ سیٹس میں شکست دی، ان کی جیت کا سکور 6-4 اور 6-1 رہا۔ فرانس کے لیوکاس پالی نے ہسپانوی ڈیوڈ فیرر کو 6-7(1-7)، 7-6(7-4) اور 7-5 سے اپ سیٹ شکست دیکر ایونٹ سے باہر کر دیا۔