لاہور(سپورٹس رپورٹر+نمائندہ سپورٹس) پاکستان میں سیکورٹی وجوہات اور لاہور کے گلش اقبال پارک کے سانحہ کے بعد روس کی ہاکی کلب نے اپریل میں پاکستان جونیئر ہاکی ٹیم کے ساتھ چار میچز کی سیریز کھیلنے سے انکار کر دیا ہے۔ ڈائنامو فیلڈ ہاکی کلب نے آج بروز جمعرات کراچی پہنچنا تھا لیکن سیکورٹی وجوہات کی بنا پر اس نے سیریز کھیلنے سے معذرت کر لی تھی۔ روسی کلب اور پاکستان جونیئر ہاکی ٹیموں کے درمیان چار میچوں کی سیریز کے میچز 2، 3، 5 اور 6 اپریل کو کھیلے جانے تھے۔