کراچی (نوائے وقت رپورٹ) پاک بحریہ نے 6 کموڈورز کو رئیر ایڈمرل کے عہدے پر ترقی دیدی، کموڈور ڈاکٹر نصر اکرم ڈپٹی ڈی جی آئی ایس آئی اور اسسٹنٹ چیف آف نیول سٹاف رہے۔ کموڈور ساجد وزیر خان ایم ڈی پی ایم ڈاکیارڈ اور اسسٹنٹ چیف آف نیول سٹاف کے طور پر بھی خدمات سرانجام دیں۔ کموڈور زین ذوالفقار ڈائریکٹر نیول وارفیئر اینڈ آپریشن پلانر اور کمانڈر نیول ایوی ایشن رہے۔ کموڈور آصف حمید، کموڈور فیصل رسول اور کموڈور زاہد الیاس کو بھی ائر ایڈمرل کے عہدے پر ترقی دی گئی۔