لاہور(سپورٹس رپورٹر+نمائندہ سپورٹس) پاکستان کرکٹ بورڈ کے زیر اہتمام قائد اعظم ٹرافی گریڈ II میں پنڈی کرکٹ سٹیڈیم راولپنڈی میں کھیلے جانے والے میچ کے پہلے روز کراچی بلیوز کی ٹیم نے محمد وقاص کی سنچری، خرم منظور اور اکبر الرحمان کی نصف سنچریوں کی مدد سے 6 وکٹوں کے نقصان پر 374 رنز بنا کر ملتان کے خلاف اپنی پوزیشن کو مستحکم کر لیا ہے۔ محمد وقاص نے 127، خرم منظور نے 78 اور اکبر الرحمان کے 66 رنز کی بدولت 374 رنز کا مجموعہ حاصل کیا۔ ملتان کی طرف سے باولنگ میں ماجد علی اور ضیا الحق نے دو دو کھلاڑیوں کو آوٹ کیا۔