جھنگ، دکی: چھتیں گرنے سے بچی سمیت 2، موسیٰ خیل میں سلنڈر پھٹنے سے 2 افراد جاں بحق
جھنگ / دکی/کوئٹہ (نامہ نگار + آئی این پی+بیورو رپورٹ) جھنگ اور دکی میں چھتیں گرنے کے واقعات میں کمسن بچی سمیت 2 افراد موسیٰ خیل میں گھر میں سلنڈر پھٹنے سے جھلس کرباپ بیٹا دم توڑ گئے، تفصےلات کے مطابق جھنگ کے علاقہ بھکر روڈ سمن آباد میں خستہ حالی کے باعث مکا ن کی چھت گرگئی جس سے ڈیڑ ھ سالہ علیزہ موقع پر ہی جاںبحق ہو گئی جبکہ عباس رضا، شازیہ زخمی ہو گئے۔ جنہیں رےسکےو1122نے بروقت پہنچ کر موقع پر ہی ابتدائی طبی امداد دے کر فارغ کر دیا۔ دوسری طرف دکی کے علاقے ناصر آباد میں گھر کی چھت گرنے سے ایک شخص نذر محمد جاں بحق ہو گیا اہل علاقہ نے نعش ملبے سے نکال لی۔ موسیٰ خیل کے علاقے میں واقع حاجی جلات خان کے گھر میں سلنڈر پھٹنے سے باپ شہباز اور بیٹا دانیال بری طرح جھلس گئے جنہیں ہسپتال منتقل کیا جا رہا تھا کہ وہ دم توڑ گئے۔ آگ کی وجہ سے گھر کو بھی نقصان پہنچا۔
چھتیں / جاں بحق
