لاہور (کلچرل رپورٹر) گلوکارہ سائرہ ارشد نے سانحہ پشاور کے شہداء کو خراج عقیدت پیش کرنے کے بعد ایک نئے پراجیکٹ پر کام شروع کر دیا ہے۔ انہوں نے کہا کہ سانحہ پشاور کے شہداء کو خراج عقیدت پیش کرنے کیلئے میں نے جو ویڈیو تیار کیا تھا اس ویڈیو کو دنیا بھر سے لوگوں نے سراہا ہے۔ انہوں نے کہا کہ میں اسی طرح کے نئے پراجیکٹ پر کام کر رہی ہوں۔ امید ہے کہ میری یہ کاوش بھی کامیاب ہو گی۔ گزشتہ رات اسلام آباد میں شو میں پرفارم کیا جسے حاضرین نے بہت پسند کیا۔ آج کل اسلام آباد میں مقیم ہوں۔ ایک ہفتے بعد لاہور آئوں گی پھر کراچی جائوں گی۔ کراچی کام کی وجہ سے جائوں گی کیونکہ لاہور میں فنکاروں کے لئے کام نہیں رہا۔ انہوں نے کہا کہ کوشش ہوتی ہے زیادہ بہتر طریقے سے پرفارم کروں آئندہ بھی اچھے گیت گاتی رہوں گی۔