کراچی: این اے 245 میں متحدہ پی ٹی آئی کے کارکنوں کا تصادم حملے کا حساب لیں گے: عمران
کراچی + اسلام آباد (نوائے وقت رپورٹ) کراچی کے این اے 245 میں سیاسی محاذ گرم ہوگیا، فائیو سٹار چورنگی پر پی ٹی آئی اور تحریک انصاف کے درمیان تصادم ہوگیا۔ دونوں نے ایک دوسرے پر انتخابی کیمپ پر حملہ کرنے کا الزام لگایا۔ دوسری طرف چیئرمین تحریک انصاف عمران خان نے ٹویٹ میں کہا ہے کہ ایم کیو ایم کے دہشت کے ہتھکنڈے کامیاب نہیں ہونگے۔ پی ٹی آئی کارکنوں پر حملے کا حساب لیں گے۔شرپسندوں نے فائیو سٹار چورنگی پر ہمارے کارکنوں پر حملہ کیا۔ پی ٹی آئی کارکنوں پر حملے قابل قبول نہیں‘ جواب دیں گے۔ این اے 245 الیکشن کے دوران فوج اور رینجرز تعینات کی جائے۔
