لاہور (نمائندہ سپورٹس+سپورٹس رپورٹر ) کرکٹ کی طرح ہاکی ٹیم بھی پسند نا پسند کا شکار ہو گئی۔ وقا یونس نے تو شکست کے بعد سب کا بھانڈا پھوڑ دیا لیکن ہاکی ٹیم کے ہیڈ کوچ نے تو اذلان شاہ ٹورنامنٹ کھیلنے جانے سے پہلے ہی پول کھول دیا۔ قومی ہاکی ٹیم کے ہیڈ کوچ حنیف خان نے قومی ہاکی ٹیم پر تحفظات کا اظہار کیا ہے، انہوں نے کہا کہ میری ٹیم کی بجائے سلیکشن کمیٹی نے اپنی ٹیم بنا لی ہے، جس پر اعتبار نہیں، فیڈریشن مجھے زبردستی ٹیم کے ہمراہ بھیج رہی ہے۔ قومی ٹیم کی پلاننگ سے دور رکھا گیا، مجھے فری ہینڈ دیا جائے۔