راولپنڈی: حساس ادارے کے سابق آفیسر کے گھر ڈکیتی کے ملزم گرفتار، دوران تفتیش مزید 44 وارداتوں کا انکشاف
راولپنڈی (نوائے وقت رپورٹ) راولپنڈی پولیس نے دو ہفتے قبل حساس ادارے کے سابق آفیسر کے گھر میں ڈکیتی کے تین ملزم گرفتار کر لئے۔ ایس ایس پی آپریشنز کے مطابق سکیم تھری میں ڈکیتی کے ملزم تھانہ ائر پورٹ پولیس نے گرفتار کئے، تینوں ملزموں نے کرنل (ر) سہیل کے گھر ڈکیتی کا اعتراف کر لیا۔ ملزموں میں قمر شہزاد، محمد نواز اور دل شان شامل ہیں۔ گرفتار ملزموں نے مزید 44 وارداتوں کا بھی انکشاف کیا۔ انہوں نے روات میں بنک سے ایک کروڑ 20 لاکھ روپے بھی لوٹے۔ ملزموں کی گرفتاری پر پولیس ٹیم کیلئے ایک لاکھ روپے انعام کا اعلان کیا گیا ہے۔
