لاہور(سپورٹس رپورٹر) انٹرنیشنل کرکٹ کونسل نے ورلڈ ٹی ٹونٹی الیون کا اعلان کردیا جس میں کوئی بھی پاکستانی کھلاڑی جگہ بنانے میں کامیاب نہیں ہوسکا۔ انٹرنیشنل کرکٹ کونسل نے ورلڈ ٹی ٹونٹی ٹیم کے 11 رکنی سکواڈ کا اعلان کیا جس کا کپتان بھارت کے ویرات کوہلی کو منتخب کیا گیا ہے جبکہ ورلڈ ٹی ٹونٹی کے دیگر کھلاڑیوں میں جیسن رائے ، ڈی کاک (وکٹ کیپر ) جوئے روٹ ، بٹلر، شین واٹسن ، آندرے رسل ، سینٹ نر، ویلی اور اشیش نہرا ، سیموئل بدری اور بنگلہ دیش کے مستفیض الرحمان کو بطور 12 ویں کھلاڑی کے شامل کیا گیا ہے۔ ورلڈ ٹی ٹونٹی الیون میں انگلینڈ کے 4 ، بھارت اور ویسٹ انڈیز کے 2،2 ، جبکہ جنوبی افریقہ ، آسٹریلیا ، نیوزی لینڈ اور بنگلہ دیش کا ایک ایک کھلاڑی شامل کیا گیا ہے۔ جبکہ پاکستان کرکٹ ٹیم کو کوئی بھی کھلاڑی ورلڈ الیون کا حصہ نہیں بن سکا۔