دو قومی جوڈو کھلاڑی تربیت کیلئے آج ازبکستان جائیں گے
اسلام آباد (این این آئی)دو قومی جوڈو کھلاڑی تربیت کیلئے آج منگل کو ازبکستان روانہ ہوں گے جبکہ شاہ حسین شاہ گرینڈ پری میں شرکت کے بعد ترکی سے براہ راست ازبکستان میں ٹیم کو جوائن کریں گے۔ تینوں کھلاڑی وہاں پر ایشین سینئر جوڈو چیمپئن شپ میں بھی پاکستان کی نمائندگی کریں گے۔ شاہ حسین شاہ سمیت دیگر باصلاحیت کھلاڑیوں کو کھیل میں مہارت حاصل کرنے کیلئے ایران، روس، ازبکستان، قازقستان اور تاجکستان میں ٹریننگ کیلئے بھیجا جائے گا۔
