پی سی بی سٹار انڈر 16 ٹورنامنٹ کیلئے راولپنڈی ریجن کے ٹرائلز 7 اپریل سے شروع ہوں گے
اسلام آباد (اے پی پی) پیپسی پی سی بی سٹار انڈر 16 ٹورنامنٹ کیلئے راولپنڈی ریجن کے ٹرائلز 7 سے 10 اپریل تک راولپنڈی کرکٹ سٹیڈیم میں ہوں گے۔ ٹرائلز کیلئے پی سی بی نے تین رکنی کمیٹی تشکیل دی ہے جس میں فرخ زمان، شیراز خالد اور بلال احمد شامل ہیں۔ ٹرائلز میں شرکت کے خواہشمند کھلاڑیوں کو ہدایت کی گئی ہے کہ وہ سفید کٹ میں صبح 9 بجے گرائونڈ میں رپورٹ کریں۔ پی سی بی کے مطابق ستمبر 1999 کے بعد پیدا ہونے والے لڑکے ٹرائلز میں شرکت کے اہل ہوں گے اور ان کھلاڑیوں کو ہدایت کی گئی ہے کہ وہ فارم (ب)، سکول سرٹیفکیٹ اور والد کے شناختی کارڈ کے ہمراہ گرائونڈ میں آئیں۔
