دینہ (نامہ نگار) نواحی علاقہ پنڈوری میں 22 سالہ دولہا نے سہاگ رات کو دولہن کے سامنے اپنے آپ کو گولی مار کر خودکشی کر لی۔ مقتول کے بھائی کی درخواست پر پولیس نے مقدمہ درج کر کے تفتیش شروع کردی، راجہ حسنین کیانی کی شادی ماموں کی بیٹی سے ہوئی اور اسی روز سہاگ رات کو دولہا نے والد کی 12بور سنگل بیرل گن سے فائرنگ کر کے اپنی زندگی کا خاتمہ کر لیا۔ دولہا کے بھائی کے مطابق میری بھابھی نے بتایا کہ حسنین نے اپنی کمزوری چھپاتے ہوئے اپنے آپ کو گولی مار لی۔ پولیس نے نعش قبضہ میں لیکرمقتول کے بھائی کی درخواست پر مقدمہ درج کرکے نعش پوسٹمارٹم کے بعد ورثاء کے حوالے کر دی۔