ملتان: ٹریکٹر ٹرالی کی ٹکر سے 12 سالہ بچہ جاں بحق، ڈرائیور گرفتار
ملتان (آئی این پی ) ملتان میں ٹریکٹر ٹرالی کی ٹکر سے 12 سالہ بچہ جاں بحق ہو گیا۔ شہریوں نے ٹریکٹر ٹرالی کے ڈرائیور کو پکڑ کر پولیس کے حوالے کر دیا۔ سرور روڈ پر ٹریکٹر ٹرالی نے موڑ کاٹتے ہوئے 12 سالہ بچے کو ٹکر مار دی۔ جس سے اکمل نامی بچہ موقع پر ہی جاں بحق ہو گیا۔ شہریوں نے فرار ہونے کی کوشش کرنے والے ٹریکٹر ڈرائیور کو پکڑ لیا اور پولیس کو اطلاع دی۔ پولیس نے موقع پر پہنچ کر ٹریکٹر ڈرائیور کو گرفتار کر لیا ہے ۔
