ساہیوال ،خوشاب، سرگودھا اور گرد و نواح میں زلزلے کے جھٹکے، شدت 4.5 ریکارڈ کی گئی ‘ عوام میں خوف وہراس پھیل گیا
سرگودھا/ خوشاب/ بھکر/ساہیوال ( نامہ نگاران) پنجاب کے شہروں ساہیوال ،سرگودھا، خوشاب، بھکر اور گردو نواح میں 4.5 شدت کا زلزلہ ریکارڈ کیا گیا۔ زلزلے کا مرکز خوشاب کے جنوب میں 12 کلو میٹر کے فاصلے پر تھا جبکہ زمین میں اس کی گہرائی 86 کلو میٹر ریکارڈ کی گئی۔ زلزلے کے نتیجے میں کسی جانی و مالی نقصان کی اطلاع موصول نہیں ہوئی تاہم عوام میں خوف و ہراس پھیل گیا۔ ساہیوال اور گرد و نواح میں صبح سویرے زلزلے کے ہلکے جھٹکے محسوس کئے گئے جس پر لوگ کلمہ طیبہ کا ورد کرتے ہوئے گھروں سے باہر آ گئے۔ ریکٹر سکیل پر زلزلے کی شدت 4.5 بتائی گئی تاہم کسی بھی جانی و مالی نقصان کی کوئی اطلاع نہیں ملی۔
زلزلہ
زلزلہ
