لاہور/ قصور/ گوجرانوالہ/ فیروز والا (نامہ نگار+نمائندہ نوائے وقت+ نمائندہ خصوصی) لاہور کے مختلف علاقوں میں ڈاکوﺅں اور چوروں نے متعدد شہریوں سے لاکھوں روپے طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ گلشن راوی توحید پارک میں عارف کے گھر سے 16 لاکھ روپے، ڈیفنس اے میں فہیم کے گھر سے 9 لاکھ روپے، زیورات اور دیگر سامان چوری ہوگیا۔ ڈاکوﺅں نے ہربنس پورہ میں عمران حیدر سے 8 لاکھ روپے، نشتر کالونی میں مقصود کی دکان سے 90 ہزار روپے اور موبائل فون، نولکھا میں ارشد کی دکان سے 42 ہزار روپے، موبائل فون اور موٹر سائیکل، گرین ٹاﺅن میں سلمان سے ہزاروں روپے اور موٹر سائیکل، ڈیفنس سی میں نعیم سے موبائل فون اور موٹر سائیکل، کاہنہ میں شریف سے 52 ہزار روپے اور موبائل فون، رائے ونڈ میں شاہ نواز سے 45 ہزار روپے اور موبائل فون، گڑھی شاہو میں اعجاز سے 23 ہزار روپے اور موبائل فون لوٹ لیا۔ چوروں نے نواں کوٹ سے امین، نشتر کالونی سے شہزاد کی گاڑیاں جبکہ مصری شاہ میں شہباز، قلعہ گجر سنگھ میں نصیر، ساندہ میں دلاور، اقبال تاﺅن میں بلال، نواب ٹاﺅن ذیشان، گرین ٹاﺅن میں منیر، رائیونڈ میں رمضان، ستوکتلہ مبارکب، جنوبی چھاﺅنی میں نوید، گلشن راوی سے علی اور خلیل کی موٹر سائیکلیں چوری کر لی ہیں۔ قصور سے نمائندہ نوائے وقت کے مطابق قصور کے علاقہ کمال چشتی موڑ پر پولیس مقابلے میں دو ڈاکو ہلاک ہوگئے۔ تھانہ صدر قصور میں پولیس اور ڈاکوﺅں کا آمنا سامنا ہوگیا جس پر دونوں طرف سے فائرنگ کی گئی جس سے 2 ڈاکو فلک شیر اور عباس ہلاک ہوگئے جبکہ ان کے چار ساتھی فرار ہوگئے، شناخت ہونے والے ڈاکو 63 سنگین جرائم کی وارداتوں میں مطلوب تھے۔ فیروز والا سے نامہ نگار کے مطابق ڈکیتی، راہزنی، چوروں کی متعدد وارداتوں میں شہری لاکھوں روپے رقم سے محروم ہوگئے۔ کوٹ محمود میں ڈاکوﺅں نے ایک بزرگ کے دربار میں داخل ہو کر غلہ توڑ کر ہزاروں روپے لوٹ لئے، بدو پلی پر ڈاکوﺅں نے شہری سے ڈیڑھ لاکھ روپے، موبائل چھین لیا۔ کوٹ عبدالمالک کے قریب ڈاکوﺅں نے موٹر سائیکل، نقدی چھین لی۔ گوجرانوالہ سے نمائندہ خصوصی کے مطابق گوجرانوالہ میں مبینہ پولیس مقابلوں میں 2 ڈاکو ہلاک جبکہ 4 فرار ہوگئے۔ تھانہ صدر کے علاقہ سٹیٹ نمبر 2 کے قریب 3 ڈاکو شہری سے موٹر سائیکل اور نقدی چھین کر فرار ہوئے۔ اسی دوران پولیس سے سامنا ہوگیا۔ فائرنگ کے تبادلے میں ایک ڈاکو ہلاک جبکہ 2 فرار ہوگئے۔ مرنے والے ڈاکو کی شناخت ناصر چنگڑ کے نام سے ہوئی۔ تھانہ دھلے کے علاقہ راجکوٹ میں بھی شہری سے موٹر سائیکل چھین کر فرار ہونے والے ڈاکوﺅں اور پولیس کے درمیان 2 طرفہ فائرنگ کے نتیجہ میں ایک ڈاکو طارق عرف طاہری ہلاک ہوگیا جبکہ اس کے 2 ساتھی فرار ہوگئے۔
ڈاکے