نارووال (نامہ نگار) تھانہ سٹی کے علاقہ نارووال کے محلہ رحمان پورہ کے رہائشی نوجوان نے اپنی ہمسائی لڑکی کو گھر کی چھت پر بلا کر تیز دھار آلے کے وار کرکے قتل کر دیا اور خود زہریلی چیز کھا کر خودکشی کر لی۔ لڑکی کے بھائی کی جانب سے تھانہ سٹی کو دی گئی درخواست میں مؤقف اختیار کیا گیا انہیں گذشتہ روز سحری کے قریب اپنی چھت سے چیخوں کی آوازیں آئیں اہل خانہ کے ساتھ جب وہ چھت پر پہنچا تو ان کا ہمسایہ وسیم میری بہن پر چھریوں سے گلے پر وار کر رہا تھا ہمارے آنے پر وہ دیوار پھلانگ کر فرار ہوگیا اور (م) زیادہ خون بہنے کی وجہ سے دم توڑ گئی جبکہ دوسری جانب اطلاع کے مطابق وسیم نے اپنے گھر جاکر زہریلی چیز کھا لی جس سے اس کی حالت غیر ہوگئی جس کو ڈسٹرکٹ ہیڈ کوارٹر ہسپتال نارووال منتقل کیا جہاں وہ دم توڑ گیا۔ تھانہ سٹی پولیس نے بھائی کی مدعیت میں مقدمہ درج کر لیا اور دونوں کی نعشیں پوسٹ مارٹم کے لئے ڈی ایچ کیو منتقل کرکے مختلف زاویوں پر تفتیش شروع کر دی۔ ذرائع کے مطابق لڑکی کی شادی اسی ماہ کی کسی تاریخ کو طے تھی۔