کراچی (آن لائن) چیئرمین پیپلزپارٹی بلاول بھٹو نے ٹوئیٹر پیغام میں کہا ہے کہ چیئرمین تحریک انصاف عمران خان کس حیثیت سے سرکاری ٹی وی پر قوم سے خطاب کریں گے؟، اپوزیشن لیڈر کی حیثیت سے حق تو خورشید شاہ کا بنتا ہے۔ ادھر چیئرمین پیپلز پارٹی بلاول بھٹو زرداری دبئی روانہ ہو گئے۔ نجی ٹی وی کے مطابق بلاول بھٹو زرداری دبئی میں تین روز قیام کریں گے اور 11 اپریل کو واپس اسلام آباد پہنچیں گے۔بلاول بھٹو نے اپوزیشن لیڈر خورشید شاہ کو پیغام بھیجا ہے کہ پانامہ پیپرز پر جذباتی انداز نہ کریں بلکہ تحقیق کر کے حقائق سے قوم کو آگاہ کریں۔ بلاول بھٹو نے اپنے پیغام میں یہ بھی کہا ہے کہ انکوائری کمشن کے جج کے بارے بھی معلومات حاصل کریں کہ وہ معاملے کی غیر جانبدارانہ تحقیقات کر سکے گا یا نہیں۔