لاہور (سپورٹس رپورٹر+ نمائندہ سپورٹس) 25 ویں اذلان شاہ کپ ہاکی ٹورنامنٹ میں پاکستان ٹیم اپنا دوسرا میچ آج بروز ہفتہ کو نیوزی لینڈ کے خلاف کھیلے گی۔پاکستان ہاکی فیڈریشن کے سیکرٹری شہباز سینئر نے کہا کہ اذلان شاہ کپ ہاکی ٹورنامنٹ ہمارے لیے ایک امتحان ہے جس میں اپنے نوجوان اور سینئر کھلاڑیوں کو موقع دیا گیا ہے۔ نیوزی لینڈ کے خلاف میچ میں کھلاڑیوں کو سخت محنت کرنا ہوگی۔ پاکستانی کھلاڑیوں کا کہنا ہے کہ پہلے میچ میں فتح کے بعد ہمارا مورال بلند ہے اور اب ہم نیوزی لینڈ کے چیلنج سے نمٹنے کیلئے تیار ہیں۔ پاکستان نیوزی لینڈ میچ پاکستانی وقت کے مطابق 12 بج کر 35 منٹ پر شروع ہوگا، دوسرے میچ میں جاپان کا مقابلہ کینیڈا سے ہوگا جبکہ تیسرا میچ ملائیشیا کا آسٹریلیا کی ٹیموں کے درمیان کھیلا جائیگا ۔