فیصل آباد: معذور لڑکی، قائد آباد، اوکاڑہ، جوہر آباد میں 2 خواتین اور بچے سے زیادتی
فیصل آباد + قائدآباد + جوہر آباد+ اوکاڑہ (نمائندہ خصوصی نامہ نگاران) فیصل آباد میں معذور لڑکی، قائدآباد، اوکاڑہ، جوہر آباد میں 2 خواتین اور 10 سالہ بچے سے زیادتی کی گئی۔ تفصیلات کے مطابق پولیس رپورٹس کے مطابق گزشتہ روز ویمن پولیس کو دی گئی درخواست میں شاداب کالونی کی معذور لڑکی (م) نے موقف اختیار کیا چند روز قبل عبدالقدیر اس کو بازار سے گھریلو سامان کی خریداری کے بہانے شاداب پلی پر ایک ویران مکان میں لے گیا اور اس کو اسلحہ دکھا کر زیادتی کر ڈالی۔ تھانہ صدر سمندری کے چک نمبر 442گ ب میں خاتون (ع) گھر میں اکیلی تھی اس دوران غلام رسول نے زبردستی زیادتی کی کوشش کی جو خاتون نے شور مچا کر ناکام بنا دی۔ قائدآباد میں ایل بلاک کی رہائشی خاتون ثناء گلزار نے شمس روڈ پر فاسٹ کمپیوٹر کے عادل عباس کو موبائل ٹھیک کرنے کیلئے دیا جس نے میموری کارڈ نکال لیا اور اس میں موجود تصاویر اور ویڈیو کے ذریعہ بلیک میل کر کے اغوا کر کے زیادتی کا نشانہ بنایا اور دھمکیاں دیتا رہا۔ جوہر آباد میں موضع کھٹوائی کے عارف کا دس سالہ بیٹا بکریاں چرا رہا تھا نوجوان ولی محمد مسلم شیخ زبردستی پکڑ کر جنگل میں لے گیا اور زیادتی کر ڈالی۔ موضع لکو میں محمد حسین چاونس کا چھ سال بیٹا شفقت علی گھلی میں کھیل رہا تھا ملزم عاشق علی چاونس نے زیادتی کی کوشش کی۔ علاوہ ازیں اوکاڑہ میں گورنمنٹ کالونی کے زیڈ بلاک کا ندیم اقبال ملازمت کے لئے لاہور گیا تھا اس کا دوست عتیق زبردستی اس کے گھر میں داخل ہوگیا اور پستول تان کر اس کی بیوی بشریٰ کے ہاتھ باندھ دئیے اور زیادتی کرنا شروع کر دی ساتھی نصیر احمد موبائل سے فلم بناتا رہا۔
