لاہور (نمائندہ سپورٹس) شاہ فیصل کرکٹ گرائونڈ پر کھیلے گئے 18 ویں نیشنل سینئرز کرکٹ کپ کے میچ میں ہجویری سپورٹس نے پنجاب کاٹیج کو 34 رنز سے ہرا دیا۔ ہجویری سپورٹس نے پہلے بیٹنگ کرتے ہوئے مقررہ 30 اوورز میں 6 کھلاڑیوں کے نقصان پر 254 رنز بنائے۔ عابد حسین جونیئر نے شاندار بیٹنگ کا مظاہرہ کرتے ہوئے 114 رنز ناٹ آئوٹ معظم ہئی بٹ 42، منیر حسین 16، ظفر ہئی بٹ 14 اور فیصل عظیم نے 31 رنز ناٹ آئوٹ بنائے۔ پنجاب کاٹیج کی طرف سے سلطان علی نے 2/44، ایم امجد 1/29 ، ایم آصف 1/24 اور ایم اعجاز نے 1/47 وکٹ حاصل کیں۔ جواب میں پنجاب کاٹیج 29.3 اوورز میں تمام کھلاڑیوں کے نقصان پر 220 رنز بنا سکی۔ نعمان انور نے 42، غلام مرتضیٰ 36، محمد آصف 31 ، محمد یوسف 24 ، فیصل محمود 27 اور ایم نجم نے 17 رنز بنائے۔ ہجویری سپورٹس کی طرف سے عابد حسین سینئر نے 4/28، میاں مبین 2/41 ، میاں منیر حسین 1/2، ذوالفقار علی 1/38 اور فیصل عظیم نے 1/41 وکٹ حاصل کیں۔ قیصر وحید، عرفان دلشاد ایمپائر جبکہ اظہر حسین سکورر تھے۔ میچ کے اختتام پر ظفر ہئی بٹ نے عابد حسین جونیئر کو مین آف دی میچ کا انعام دیا۔